आदिवासी समुदायबीच भड्किएको हिंसामा परि पपुवा न्युगिनिमा गर्भवति महिला सहित २४ जनाको मृत्यु

काठमाडौं असार २५ गते ।
पपुवा न्यूगिनीमा आदिवासी समुदायबीच भड्किएको हिंसामा परि दुई गर्भवति महिला सहित २४ जनाको मृत्यु भएको छ । हिंसामा ठूलो संख्यामा आदिवासी समुदायका मानिसहरुको हत्या भएपछि प्रधानमन्त्री जेम्स मारापेले दोषीमाथि कडा कानुनी कारबाही गरिने बताएको अन्ताराष्टिय सन्चार माध्यमले जनाएका छन् ।
पपुवा न्यूगिनीको पश्चिमी क्षेत्रमा रहेको हेला प्रान्तमा आदिवासी समुदायहरुबीच सदियौंदेखि हिंसात्मक झडप भइरहेका छन् ।
हेला प्रान्तमा विगत तीन दिनदेखि आदिवासी समुदायबीच हिंसात्मक झडप भइरहेको प्रहरीले जनाएको छ । हेला प्रान्तीय प्रशासक विलियम बान्डोले २४ जनाको मृत्यु भएको पुष्टी भइसकेको र घटनामा अरु व्यक्तिको पनि मृत्यु भएको हुनसक्ने बताए ।